ቅርንጫፍ ጽ/ቤት  

ኮልፌ ኮሙኒኬሽን መጋቢት 21/2017 ዓ.ም

በኮልፌ ቀራኒዮ ክፍለ ከተማ ወረዳ 01  በሚገኘዉ የተስፋ ብርሃን ምገባ ማዕከል ለአረጋዊያንና  ለአቅመ ደካሞች የኮልፌ ቀራኒዮ ክፍለ ከተማ አስተዳደር 1446 ኛው የኢድ አል-ፈጥር በዓልን አስመልክቶ ማዕድ አጋርቷል።

ወ/ሮ ኒዕመተላህ ከበደ የኮልፌ ቀራኒዮ ክፍለ ከተማ ዋና ስራ አስፈፃሚ ማዕድ ባጋሩበት ወቅት የእንኳን አደረሳችሁ መልዕክት በማስተላፍ አስተዳደሩ አቅም ለሌላቸው እና በዝቅተኛ ገቢ የሚኖሩ ነዋሪዎችን በአልን ሳይጨናነቁ አብሮ የማሳለፍ አብሮነትን የሚያጠናክሩ የሰው ተኮር ተግባራትን በተለያዩ ወቅቶች ማከናወኑን አንስተዋል።

ዋና ስራ አስፈፃሚዋ አያይዘውም በጠቅላይ ሚኒስቴር ዶ/ር አብይ አህመድ እና በአዲስ አበባ ከተማ አስተዳደር  ከንቲባ አዳነች አቤቤ የበጎ ፍቃድ ማዕድ ማጋራትና የሰው ተኮር ተግባራት ከተጀመረ ጀምሮ በዝቅተኛ ኑሮ የሚገኙ ዜጎችን ህይወት የቀየረ በርካታ ስራ መሰራቱንም ተናግረዋል።

ባለፉት የለውጥ አመታት የተከናወኑ የሰው ተኮር ተግባራት ኢትዮጵያዊ አብሮነትን መደጋገፍን የጎለበተበት እንደሆነ ገልፀው የረመዳን ወር ያለው ለሌለው የሚረዳዳበት  አብሮነትን የሚያጠናክር እንደሆነ ገልፀዋል።

የማዕድ ማጋራት መርሀ ግብር ላይም አቶ ሙሉጌታ ጉሉማ የክፍለ ከተማው የብልፅግና ፓርቲ ቅርንጫፍ ፅህፈት ቤት ሀላፊ እና ሌሎች አመራሮች ነዋሪዎች ተገኝተዋል።

የኮልፌ ቀራንዮ ክፍለ ከተማ ወረዳ 08 ብልፅግና ቅርንጫፍ ጽ/ቤት ኃላፊ አቶ ዘመድኩን ግርማ

ለመላው የእስልምና እምነት ተከታዮች እንኳን ለ1 ሺ 446ኛው የኢድ አል ፈጥር በዓል በሰላም አደረሳችሁ/አደረሰን። በዓሉ የሰላም፣የጤና የመተሳሰብ እና የአንድነት በዓል እንዲሆንልን እመኛለሁ።

የኢድ አል ፈጥር በዓል ህዝበ ሙስሊሙ በድምቀት ከሚያከብራቸው በዓላት መካከል አንዱ ነው። በዓሉ የመረዳዳትና የመተሳሰብ ዕሴቶቻችንን ከፍ አድርገን  የምታሳይበት እንደመሆኑ ወገኖቻችንን የምናስብበት እንደሚሆን አምናለሁ ። በመሆኑም ሙስሊሙ ማህበረሰብ የእምነቱ አስተምህሮ በሚያዘው መሰረት አቅመ ደካሞችን በማገዝና ማዕድ በማጋራት በዓሉን እንዲያሳልፍ አደራ እላለሁ።

     በድጋሚ መልካም የኢድ አል ፈጥር  በዓል!

                       ኢድ ሙባረክ!!

ኮልፌ ወረዳ 08 ኮሙኒኬሽን

መጋቢት 20/2017 ዓ.ም

ከኮልፌ ቀራኒዮ ክፍለ ከተማ ወረዳ 08 ዋና ስራ አስፈጻሚ ወ/ሮ ዙልፋ ሸምሱ የተላለፈ የእንኳን አደረሳችሁ መልዕክት!

ውድ የወረዳችን እስልምና እምነት ተከታዮች ህዝበ ሙስሊሙ ታላቁንና የተከበረውን የረመዳን ወር በጾም፣ በዱዓ፣ በመተጋገዝ፣ በመረዳዳትና አርአያነት ባላቸው ሌሎች ማህበረሰባዊ እንቅስቃሴዎች ያሳለፈ መሆኑ ይታወቃል እንደ ወረዳ አስተዳደርም በዚህ ዓመት ያሳለፍነው የረመዳን ወር አቅመ ደካሞችን ያገዝንበት ፤ እርስ በርስ የተደጋገፍንበት ፣ የተለያዩ እምነት ያላቸው ኢትዮጵያውያን ኅብረ ብሔራዊ አንድነታቸውን ፣ ወንድማማችነትን እና እህትማማችነትን በጽናት ያሳዩበት ወር ነበር ይህ አብሮነታችን በቀጣይም ተጠናክሮ እንዲቀጥል መልእክቴን ለማስተላለፍ እወዳለሁ፡፡ 

በመጨረሻም የዘንድሮውን በአል ስናከብር ልክ እንደ ሁልጊዜው አቅመ ደካሞችን እና የተቸገሩትን በመደገፍ እና ማዕድ በማጋራት አብሮነታችንን ይበልጥ የምናጠናክርበት እንዲሆን መልዕክቴን አስተላልፋለሁ።

 #ኢድ_ሙባረክ 

ኮልፌ ወረዳ 08 ኮሙኒኬሽን

መጋቢት 20/2017ዓ.ም